Monday, January 2, 2012
រឿងកំប្លែងៈ សេកចេះបីភាសា
ចងក្រងដោយ តេង សំអាន
បុរសម្នាក់បានចូលទៅកាន់ហាងលក់សត្វចិញ្ចឹមមួយកន្លែង។ គាត់ចាប់អារម្មណ៍ នឹងសេកមួយ។ អ្នកលក់ៈ លោកពិតជាពូកែរើសមែន លោកដឹងទេ សេកនេះអាចនិយាយបាន ភាសា ឯណោះ។ អង់គ្លេស បាវាំង និង ខ្មែរ។
អ្នកទិញៈ អូហ៍ ពិតជាពិសេសមែន។ តើធ្វើម៉េចអាចសាកឲ្យវានិយាយបាន។
អ្នកលក់ៈ បើលោកទាញជើងស្តាំរបស់វា វានឹងនិយាយអង់គ្លេស បើទាញជើងខាង ឆ្វេងវានឹងនិយាយបារាំង បើទាញជើងទាំងពីរ វានឹងនិយាយខ្មែរ។
អ្នកទិញៈ ខ្ញុំអាចសាកល្បងបានទេ?
អ្នកលក់ៈ បាទ! បាន!
បុរសនោះក៏ទាញជើងស្តាំ សេកក៏និយាយថា "Good morning sir!"។ គាត់សប្បាយចិត្តណាស់ ក៏ទាញជើងឆ្វេងម្តង សេកនោះក៏និយាយថា "Bonjour monsieur"។ គាត់កាន់តែពេញចិត្តឡើង ក៏បន្តទាញជើងទាំងពីរម្តង សេកក៏ស្រែកឡើង "ប្រយ័ត្នធ្លាក់អញ អាប្រកាច់!"។
